NationalTop News

VIDEO ,ਬੇਰਹਿਮ ਮਾਂ ਨੇ ਮਾਸੂਮ ਬੱਚੀ ਨੂੰ ਦਿੱਤੀ ਭਿਆਨਕ ਸਜ਼ਾ, ਤਪਦੀ ਧੁੱਪ ‘ਚ ਛੱਤ ‘ਤੇ ਹੱਥ-ਪੈਰ ਬੰਨ ਕੇ ਛੱਡ ਦਿਤਾ

Ajay Verma (The Mirror Time)

ਦਿੱਲੀ ਦੇ ਖਜੂਰੀ ਖਾਸ ਤੋਂ ਦਿਲ ਦਹਿਲਾ ਦੇਣ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ‘ਚ 6 ਸਾਲ ਦੀ ਬੱਚੀ ਤੇਜ਼ ਧੁੱਪ ‘ਚ ਰੋਂਦੀ ਦਿਖਾਈ ਦੇ ਰਹੀ ਹੈ। ਉਸ ਦੇ ਹੱਥ-ਪੈਰ ਰੱਸੀ ਨਾਲ ਬੰਨ੍ਹੇ ਹੋਏ ਹਨ ਅਤੇ ਉਹ ਗਰਮੀ ਵਿਚ ਤੜਫ ਰਹੀ ਹੈ। ਕੁੜੀ ਦਾ ਕਸੂਰ ਸਿਰਫ ਇਹ ਸੀ ਕਿ ਉਸਨੇ ਹੋਮਵਰਕ ਨਹੀਂ ਕੀਤਾ ਸੀ। ਇਸ ‘ਤੇ ਬੇਰਹਿਮ ਮਾਂ ਨੇ ਉਸ ਨੂੰ ਅਜਿਹੀ ਸਜ਼ਾ ਦਿੱਤੀ, ਜਿਸ ਦੀ ਸ਼ਾਇਦ ਕਿਸੇ ਨੇ ਕਲਪਨਾ ਵੀ ਨਹੀਂ ਕੀਤੀ ਹੋਵੇਗੀ। ਉਸ ਨੇ ਛੇ ਸਾਲ ਦੀ ਬੱਚੀ ਦੇ ਹੱਥ-ਪੈਰ ਬੰਨ੍ਹ ਦਿੱਤੇ ਅਤੇ ਤੇਜ਼ ਧੁੱਪ ਵਿੱਚ ਛੱਤ ‘ਤੇ ਛੱਡ ਦਿੱਤਾ। ਕੁੜੀ ਰੋਂਦੀ ਰੋਂਦੀ ਰਹੀ ਪਰ ਮਾਂ ਦਾ ਦਿਲ ਨਾ ਪਿਘਲਿਆ।


ਬੱਚੀ ਜੂਨ ਮਹੀਨੇ ਦੀ ਮਾਰੂ ਗਰਮੀ ਵਿੱਚ ਕਾਫੀ ਦੇਰ ਤੱਕ ਤੜਫਦੀ ਰਹੀ। ਔਰਤ ਦੇ ਗੁਆਂਢੀ ਨੇ ਇਸ ਦੀ ਵੀਡੀਓ ਬਣਾ ਲਈ। ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜਾਂਚ ਤੋਂ ਬਾਅਦ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਮਾਂ ਨੇ ਆਪਣੇ ਸਪੱਸ਼ਟੀਕਰਨ ‘ਚ ਕਿਹਾ ਕਿ ਉਸ ਦੀ ਬੇਟੀ ਨੇ ਸਕੂਲ ਦਾ ਹੋਮਵਰਕ ਨਹੀਂ ਕੀਤਾ ਸੀ, ਇਸ ਲਈ ਉਸ ਨੂੰ ਕੁਝ ਸਮੇਂ ਲਈ ਸਜ਼ਾ ਦਿੱਤੀ ਗਈ। 5-7 ਮਿੰਟ ਬਾਅਦ ਇਸ ਨੂੰ ਉਤਾਰ ਲਿਆ ਗਿਆ। ਪਰ ਜਿਸ ਤਰ੍ਹਾਂ ਨਾਲ ਇਹ ਬੱਚੀ ਦੁਖੀ ਹੈ, ਉਸ ਤੋਂ ਬਾਅਦ ਹਰ ਕੋਈ ਕਹਿ ਰਿਹਾ ਹੈ ਕਿ ਇਕ ਮਾਸੂਮ ਨਾਲ ਅਜਿਹਾ ਕਿਵੇਂ ਹੋ ਸਕਦਾ ਹੈ?

Spread the love

Leave a Reply

Your email address will not be published.

Back to top button